မွတ်စလင် မိန်းမချောလေးများအတွက် ၀ိနည်းလွတ်ရေကူးဝတ်စုံ

ကမ္ဘာ့ဖက်ရှင်လောကတွင် အစ္စလာမ်ဘာသာယုံကြည်ကိုးကွယ်သော
မွတ်စလင်အမျိုးသမီးများအတွက် ၀ိနည်းလွတ်ရေကူးဝတ်စုံတီထွင်ခဲ့သည်။
(၀ိနည်းလွတ်=ကြိယာဝိသေသန/ဥပစာစကား(တင်စားသောစကား)=
သက်ရောက်မည့်အပြစ်မှကင်းလွတ်အောင်) အစ္စလာမ်တရားတော်အရ
မွတ်စလင်အမျိုးသမီးများကို ဦးခေါင်းမှ ခြေဖျားတိုင် လုံခြုံစွာဝတ်ဆင်ရန်
တင်းကျပ်ထားသည်။ သို့သော် ယခုတီထွင်နိုင်မှုကြောင့် မွတ်စလင်
အမျိုးသမီးများသည်လည်း အခြားအမျိုးသမီးများနည်းတူ အများမြင်သာသော
ကမ်းခြေနှင့် ရေကူးကန်တို့တွင် ရေကူးနိုင်တော့မည်ဖြစ်သည်။

မွတ်စလင်အမျိုးသမီးများကိုယ်တိုင်ကလည်း အစ္စလာမ်ရိုးရာ ယဉ်ကျေးမှုကို
စောင့်ထိန်းကြသည်။ သူတို့ကိုယ်တိုင်က ခေါင်းကိုလုံအောင်ခြုံရသော ခေါင်းခြုံ
(ဘူခါ)ကို တင်းတင်းကျပ်ကျပ်ခြုံကြသည်။ အတင်း အကျပ်စောင့်ကြပ်
ထိန်းချုပ်စရာမလို။ ပုံမှန်ရေကူးဝတ်စုံကိုတော့ သူတို့မ၀တ်ဆင်နိုင်ကြ။
ယခုဖက်ရှင်ဖန်တီး နိုင်မှုကြောင့် လုံခြုံသောရေကူးဝတ်စုံကို သူတို့ဝတ်နိုင်ကြပြီ။

ဘူကီနီဟုခေါ်သည်
မွတ်စလင်အမျိုးသမီးများအတွက် တီထွင်လိုက်သောရေကူးဝတ်စုံကို ဘူကီနီ
(Burkini)ဟုခေါ်သည်။ ခေါင်းမြီးခြုံ နှင့် ရေကူးဝတ်စုံနှစ်မျိုးကို ညီညွတ်အောင်
ပေါင်းစပ်လိုက်ပြီး ဘာသာရေးဆိုင်ရာ ပိတ်ပင်တားမြစ်ချက်နှင့်လည်း
လွတ်ကင်းစေရန်ဖြစ်သည်။ ယခုနှစ် ဇန်န၀ါရီက ဈေးကွက်တင်ခဲ့သော
ဘူကီနီမှာ မွတ်စလင်အမျိုးသမီးများကြားတွင် ရေပန်းစားခဲ့သည်။

အစ္စလာမ်ထုံးတမ်းလည်း မပျက်စေဘဲ (ခေါင်းမှခြေဖျားအထိ လုံလုံခြုံခြုံဝတ်စားပြီး)
ရေထဲတွင် အဆင်ပြေ စေရန် (လေးလံပြီး နစ်မသွားစေရန်) ဘူကီနီကို နိုင်လွန်နှင့်
ပိုလီယက်စတာကို အသုံးပြုဖန်တီးထားသည်။ ယခုအခါ ကမ်းခြေသို့ ရေကူးရန်
သွားရောက်ကြမည့် မွတ်စလင်မဟုတ်သူအမျိုးသမီးများကပင် တစ်ကိုယ်လုံးဖုံး
ရေကူးဝတ်စုံ (ဘူကီနီ)ကို ၀တ်ဆင်လာကြသည်။

ကျန်းမာရေးကြောင့်၊ ကိုယ်အလေးချိန်ကြောင့်၊ အသက်အရွယ်ကြောင့်
ဘာကြောင့်ဖြစ်ဖြစ် ရေကူး မည့်အမျိုးသမီးတစ်ဦးသည် အပိုင်းနှစ်ပိုင်းပါ
ရေကူးဝတ်စုံ (Two-piece) သို့မဟုတ် တစ်ထည်တည်း ၀တ်ရ သော ရေကူးဝတ်စုံ
(maillot) တို့နှင့် အဆင်မပြေလျှင် ဘူကီနီ ကိုဝတ်ဆင်နိုင်ကြပြီဖြစ်သည်။

ဘူခီနီဝတ်ဆင်ထားပြီး ဓာတ်ပုံရိုက်ခံရန် အမူအရာလုပ်ပြနေသော ချစ်စဖွယ်မွတ်စလင်မလေးများ (တရားတော်နှင့်လည်းညီ၊ မိန်းမလည်းဆန်၊ လူမြင်ကွင်းတွင် လည်းလုံခြုံစွာနေနိုင်ပြီဖြစ်သည်)

မွတ်စလင်အမျိုးသမီးတို့ ၀တ်စုံ
မွတ်စလင်အမျိုးသမီးတို့အား လုံလုံခြုံခြုံဖြစ်စေသည့် ဘူကီနီကို ကမ္ဘာ့တစ်ဘက်
တစ်ခြမ်းဆီမှ မွတ်စလင်အမျိုး သမီးနှစ်ဦးက စတင်တီထွင်ခဲ့ခြင်းဖြစ်သည်။
ဘူကီနီသည် ရိုးရာနှင့်ညီပြီး ပေါ့ပါးသည်။ ရေစိုခံသည်။ ၀တ်ဆင်မည့်
အမျိုးသမီးအတွက် မျက်နှာ၊ လက်များနှင့် ခြေများသာ ပြင်ပတွင် ပေါ်နေမည်ဖြစ်သည်။

အ၀တ်အထည်လက်လီရောင်းသူ သြစတြေးလျအမျိုးသမီးတစ်ဦးဖြစ်သည့်
အဟီတာဇနက်တီ (၃၈)နှစ်သည် မွတ်စလင်အမျိုးသမီးငယ်များ လူမြင်ကွင်းတွင်
နက်ဘော (ဘောလုံးကို အပေးအယူလုပ်ပြီး ဂိုးသွင်းရသောကစားနည်း) ကစားရန်
ဒုက္ခရောက် အခက်တွေ့နေသည်ကို တွေ့ရပြီးနောက် ဘူကီနီတီထွင်ရန် စိတ်ကူးရကာ ကြိုးစားတီထွင်ခဲ့ကြောင်း ပြောသည်။

ဇနက်တီနှင့်ပြိုင်ဘက်ဖြစ်သူ အမေရိက၊ ကာလီဖိုးနီးယားမှ ပိုးမွှားဗေဒပညာရှင်
ရှရန်စဘတ် (၃၆)နှစ်သည် အစ္စလာမ်တရားတော်နှင့်ညီသော ရေအောက်ငုပ်
အမျိုးသမီးဝတ် ရေငုပ်ဝတ်စုံတီထွင်ရာမှ မအောင်မြင်သဖြင့် ဆက်လက်ကြိုးစားပြီး
တစ်ကိုယ်လုံးလုံသော ရေကူးဝတ်စုံ (ဘူကီနီ) ကို တီထွင်ခဲ့ခြင်းဖြစ်သည်။

နေခြည်ရောင်မှထွက်သော ခရမ်းလွန်ရောင်ခြည်ကို ကာကွယ်နိုင်ပြီး
အရွယ်စုံဝတ်နိုင်သော (ဆန့်၊ ကျုံ့စွမ်း အားရှိသော) ဘူကီနီကို တစ်ထည်လျှင်
ပေါင် ၉၀ (အမေရိကန်ဒေါ်လာ ၁၈၀ ခန့်) နှင့် စတင်ရောင်းချခဲ့ရာ
အထည် ၆,၀၀၀ အထိရောင်းချခဲ့ရသည်။ အများစုမှာ အွန်လိုင်းမှတစ်ဆင့်
ဝယ်ယူခဲ့ကြခြင်းဖြစ်သည်။

ဝယ်ယူသူအမျိုးသမီးတို့မှာ ကမ္ဘာတစ်ဝန်းမှပင်ဖြစ်ပြီး မလေးရှား၊
တောင်အာဖရိက၊ မက္ကဆီကို၊ အိုင်ယာ လန်နှင့် အမေရိက စသည့်ဒေသများမှ ပါဝင်သည်။ “ကျွန်မလုပ်ငန်းက တစ်ကမ္ဘာလုံးလိုချင်တဲ့ ကုန်ပစ္စည်း တစ်ခုကို ထုတ်လုပ်ပေးနေတဲ့ လုပ်ငန်းသေးလေးပါ” ဟု ဇနက်တီက ပြောသည်။

သူတို့လည်း ကြိုက်ကြသည်
မွတ်စလင်အမျိုးသမီးတို့၏၀တ်စုံဟုဆိုသော်လည်း ရှေးရိုးစွဲခရစ်ယာန်အမျိုးသမီးများ၊ အပူလောင်မီးလောင် ဒဏ်ခံခဲ့ရသော အမျိုးသမီးများ၊ ကင်ဆာရောဂါဝေဒနာရှင်များ၊ အမျိုးသမီးကြီးများနှင့် အခြားအရွယ်စုံအမျိုး သမီးများမှာ ဘူကီနီကို စိတ်ဝင်စားကြသည်။

ဂျုံးမာတီနက်ဇ်(၃၇)နှစ်သည် အမေရိက၊ ကယ်လီဖိုးနီးယားပြည်နယ်၊ ဘန်ကလယ်မနာတီမှဖြစ်ပြီး ညဥ့်နက်မှ ရေကူးတတ်သူတစ်ဦးဖြစ်သည်။ ယခုတော့ ဘူကီနီ တစ်ထည်ဝယ်ပြီး ကူးနေသဖြင့် ကြက်သီးထ သည့် အအေးဒဏ်ကို ခံနိုင်ပြီဖြစ်သည်။ မာတီနက်ဇ်မိခင် နော်မာဆွာရက်ဇ် (၆၉)နှစ်ကမူ အရေပြားနှင့် ပတ်သက်ပြီး နေဒဏ်မခံနိုင်သဖြင့် ဘူကီနီနှင့် အဆင်ပြေနေသည်။

“ကျွန်မတို့ သားအမိနှစ်ယောက်လုံး ဘူကီနီကို ငြိနေပြ (ကြိုက်နေပြီ)” ဟု မာတီနက်ဇ်က ပြောသည်။ ကတ်သ လင်းပတ်ရောဖ် (၅၉)နှစ်က ဘူကီနီဝယ်ခြင်းမှာ တစ်ကိုယ်လုံးကြွက်သားများနာခြင်းကို ခံနိုင်ရည်ရှိစေရန် ၀တ်ဆင်ခြင်းဖြစ်သည်။ ဘူကီနီမရခဲ့လျှင် သူမရေမကူးနိုင်တော့။ သူမက ဘူကီနီသာမရှိခဲ့လျှင် “လင်းပိုင်ကြီး တွေနဲ့ ရေကူးရတော့မှာမဟုတ်ဘူး” ဟု ပြောသည်။

လုံလုံခြုံခြုံဝတ်ပြီး ရေကူးလိုသော အမျိုးသမီးများအတွက် ၁၉၉၇ က ၀တ်စုံတီထွင်ခဲ့သူအန်း ကိုးလ်က ဘူကီနီနှင့် ပတ်သက်ပြီး ပွင့်ပွင့်လင်းလင်းမှတ်ချက်ပေးလာသည်။ “အမျိုးသမီးတစ်ယောက်အတွက် ၀တ်ရတာ အဆင်ပြေမယ့် သူ့အတွက်အဆင်ပြေမယ့် ၀တ်စုံကို ရှာသင့်တယ်”” ဟု ပြောသည်။ ယခုတီထွင်လိုက်သော ဘူကီနီကို ကမ္ဘာ့အရှေ့အနောက်မှ ဝေဖန်မှုများ ရှိခဲ့သည်။

“ဒါဟာ (ဘူကီနီတီထွင်မှုဟာ) အလာဟ် (အစ္စလာမ်ဘာသာဝင်တို့၏ အထွတ်အမြတ်ပုဂ္ဂိုလ်၊ ဘုရား) နဲ့ ကစားတဲ့ဂိမ်းပါပဲ” ဟု Shia Chat ၀က်ဘ်ဆိုက်တွင် ပိုစတာ တင်ထားသည်။ ကျုံ့နိုင်ဆွဲဆန့်နိုင်သော ဘူကီနီ သည် အမျိုးသမီးတို့၏မျဉ်းကွေးများ (ရှိုက်ဖိုကြီးငယ်အသွယ်သွယ်)ကို ပေါ်လွင်စေသည်ဟု ထောမနာပြုကြ သည်။

ဘူကီနီနှင့်ပတ်သက်၍ ဘလော့ဂ်များတွင် ဝေဖန်ရေးသားကြသည်။ ဘူကီနီအကြောင်း ဝေဖန်ရေးသားထား သော အီးမေးလ်များတွင် ဗိုင်းရပ်စ်များထည့်၍ ပို့ကြသည်။ မွတ်စလင်ဆန့်ကျင်သည့် အခြားဘာသာဝင်များက သူမကို အကြမ်းဖက်သမားဟု ခေါ်ဆိုပြီး သတ်မည်ဖြတ်မည်ဟု ခြိမ်းခြောက်သောစာများလည်း လက်ခံရရှိ သည်ဟု ဇနက်တီက ပြောသည်။

အမျိုးသမီးဝါဒီများ (အမျိုးသားများနှင့်တန်းတူ အခွင့်အရေး ရသင့်၊ ရှိသင့်သည်ဟု ယုံကြည်ယူဆသူများ) က မူ မည်သို့သောပုံစံမျိုးနှင့် ဘူခါဝတ်ဆင်ရသည်ဖြစ်စေ အမျိုးသမီးတို့ အခွင့်အရေးကို ထိပါးစေသည်ဟု ယူဆကြ သည်။

“ဒါကြီး(ဘူခါ)ကို ခေါင်းကနေ ခြေဖျားအထိခြုံထားရတာဟာ လူသားတစ်ယောက်အဖြစ် အပြည့်အ၀သတ် မှတ်ခြင်းမခံရသလိုပါပဲ” ဟု နိုင်ငံတကာအမျိုးသမီးအခွင့်အရေးတန်းတူရရှိရေးစောင့်ကြည့်ထိန်းသိမ်းရေးအဖွဲ့ Equality Now မှ အမှုဆောင်ညွှန်ကြားရေးမှူး တိုင်ယာဘီယန်အိုင်မီက ပြောသည်။

မွတ်စလင်အမျိုးသားများတွင်လည်း ၀တ်စားဆင်ယင်မှုနှင့်ပတ်သက်၍ ကန့်သတ်ချက်များ လိုက်နာရမည် များရှိကြောင်း စဘတ်ကလည်းတုန့်ပြန်ပြောကြားသည်။ ကိုရမ် (အစ္စလာမ်ဘာသာဝင်တို့ အလေးအမြတ်ထား ရာ တရားတော်များ ရေးသားထားသောကျမ်း) မှာလည်း အမျိုးသားတွေ အ၀ါရောင်တောက်တောက် မ၀တ်ဖို့၊ ပိုးထည်တွေ မ၀တ်ဖို့၊ ချက်ကနေဒူးခေါင်းအထိ မဖော်ပြဖို့ တားမြစ်ထားသည်ဟု စဘတ်က ပြောသည်။

မတင်းလွန်း မလျော့လွန်း စည်းကမ်းများနှင့်တည်ထောင်ထားသော ဗလီတစ်ခုမှ ဗလီဆရာ အိုင်မန်းမိုဟာ မက်မဂျစ်က အစ္စလာမ်တရားတော်နှင့်မညီသော အ၀တ်အစားဆင်ယင်မှုများအပေါ် ငြင်းခုံဆွေးနွေးရန် တိုက် တွန်းလိုက်သည်။

“ဒီလိုဆွေးနွေးအဖြေရှာတဲ့နေရာမှာ မွတ်စလင်အမျိုးသမီးတွေကို ခေါင်းဆောင်အဖြစ် ထားနိုင် မထားနိုင် ဆိုတာမျိုးတွေကို ဆွေးနွေးစေချင်ပါတယ်။ လက်သည်းနီဆိုးတာဟာ အစ္စလာမ်တရား တော်နဲ့ ညီသလား၊ မညီသလားဆိုတာမျိုးတွေထက် ခုနပြောတဲ့ကိစ္စတွေကို ပိုပြီးဆွေးနွေးစေချင် တယ်။ ကျွန်တော်တို့ ရှေ့ကိုတိုးဖို့လိုနေပါ ပြီ” ဟု မဂျစ်က ပြောသည်။

အမျိုးသမီးအများစုကတော့ ဘီကီနီ (တစ်ပိုင်းစ၊ နှစ်ပိုင်းစ) ကို ကြိုက်နေကြဆဲဖြစ်သည်။ သူတို့ အလှအပ၊ သူတို့ကောက်ကြောင်းကို ပေါ်ပေါ်လွင်လွင်ကြွားနိုင်၊ အလှပြိုင်နိုင်သောကြောင့်ဖြစ်သည်။ အမျိုးသမီးငယ်များ ဆိုလျှင် ပဲရစ်ဟီလ်တန် ဘာဘီကီနီဝတ်သလဲဆိုတာကို စောင့်ကြည့်နေကြသည်။ ဒီကြားထဲကမှ ဘူကီနီက သူ့နေရာ ၀င်တိုးခဲ့သည်။

ဘူကီနီနှင့်ပတ်သက်၍ ဒီဇိုင်နာများက ယခုကဲ့သို့ ပြောသည်။ “ဘူကီနီက မွတ်စလင်အမျိုးသမီးပဲဖြစ်ဖြစ်၊ မွတ်စလင်မဟုတ်တဲ့ အမျိုးသမီးပဲဖြစ်ဖြစ် သူတို့အတွက် အဆင်ပြေစေတယ်၊ စိတ်ကျေနပ်စေတယ်” ဟု ဆိုကြ သည်။

“ဘူခီနီနဲ့ပတ်သက်ပြီး ၀ိုးတ၀ါး (အကောင်းအဆိုး နှစ်မျိုးပြွမ်းလျက်) ဖြစ်နေမယ်ဆိုတာ ကျွန်မ သိပါတယ်။ ဒါပေမယ့် ဒါဟာ အမျိုးသမီးတို့အတွက် တကယ့်လွတ်လပ်ရေးပါပဲ” ဟု စဘတ်က ပြောလေသည်။
Ref: Time (July,30,2007)