Across The Universe
အနုပညာများဖြစ်သော ရုပ်ရှင်နှင့် ဂီတတို့မှာ အခြားအနုပညာများနည်းတူ ဘာသာစကားအတားအဆီးကို ကျော်လွှားနိုင်စွမ်းရှိကြသည်။ မူလဖန်တီးထားသည့် ဘာသာစကား၊ ယဉ်ကျေးမှုတို့နှင့် နီးစပ်ပါက ပို၍ခံစားနိုင်စွမ်းရှိသည်။

မကြာမီက အမေရိကန်တွင် ရုံတင်ခဲ့သော Across The Universe ကို ကြည့်ရှုခဲ့ရာမှ ဆင့်ပွားဝေငှခံစားလို၍ ရုပ်ရှင်ခံစားမှုကို တင်ဆက်ရပါသည်။

အမေရိကရှိ ထိပ်တန်းသတင်းစာကြီးများမှ ရုပ်ရှင်ဝေဖန်ရေးစာနယ်ဇင်းဆရာများနှင့် ရုပ်ရှင်ပရိသတ်များ၏ အကဲဖြတ်ချက်တွင် Across The Universe ကို “ကောင်း”အဆင့်ပေးကြသည်။

ကြယ်ပွင့်များဖြင့် ရုပ်ရှင်ကားတစ်ကားကို အကဲဖြတ်ကြရာတွင် ကြယ်ငါးပွင့်မှာ အကောင်းဆုံး (အပြစ် ပြောစရာမရှိအောင်ကောင်း) ဖြစ်ပြီး Across The Universe သည် ကြယ်သုံးပွင့်ကျော် (3.3 stars) ရရှိခဲ့သည်။

Across The Universe(စကြ၀ဠာကို ကျော်လွန်၍ ဟိုမှာဘက်သို့)သည် တေးဂီတအခြေပြု ဘ၀သရုပ်ဖော်၊ အချစ်အလွမ်း ကားလေးဖြစ်သည်။ စက်တင်ဘာလကုန်ပိုင်းကစတင်၍ အမေရိကန်တစ်ဝန်းတွင် ရုံတင်ခဲ့သည်။

ကမ္ဘာကျော်ဂီတအဖွဲ့ဘီတဲလ် (Beatles)သီချင်းများကို အသုံးပြုထားသည့် အချစ်ကားလေးဖြစ်သောကြောင့် ဘီတဲလ်ချစ်သူများ အလွမ်းပြေစေရာ၊ ငယ်မူငယ်သွေးကြစေရာ၊ စွဲမက်ဖွယ်ရာ ဖြစ်သည်။

ဒါရိုက်တာ၏တင်ပြပုံကောင်းမွန်ပြီး ကင်မရာအယူအဆများ ရဲရင့်ကာ၊ တည်းဖြတ်မှုက ပိရိသေသပ်လွန်းသည်။ ၂ နာရီနှင့် ၁၁ မိနစ်ကြာသော ရုပ်ရှင်ကားမှာ သရုပ်ဆောင်တို့၏ သရုပ်ဆောင်ကောင်းမှု၊ ဒါရိုက်တာနှင့်သက် ဆိုင်ရာပညာရှင်တို့၏ကဏ္ဍအလိုက် ကောင်းစွာတင်ဆက်နိုင်မှုကြောင့် ပျင်းရိခြင်းမရှိဘဲ ရစ်သမ်မှန်မှန်ဖြင့် ကြည့်ရှုနိုင်သည်။

ဇာတ်လမ်းကြီး(ဇာတ်အိမ်ကြီးကြီး)ကြိုက်သူများအတွက်မူ အတန်ငယ်အရသာ ပေါ့နေနိုင်သည်။ လူငယ်များအတွက် ပိုမိုသင့်တော်သည့် သာမန်အချစ်ကားလေးတစ်ကားသာ ဖြစ်သည်။ ထူးခြားသည်မှာ လူငယ်များ ပွင့်လင်းလွတ်လပ်မှုနှင့် အချစ်၏ရိုးရှင်းမှုကို Across The Universe ဖော်ကျူးထားခြင်းဖြစ်သည်။

ဇာတ်ကား၏ အနှစ်ချုပ်ကို All You Need Is Love နင်လိုတဲ့အားလုံးဟာ အချစ် ဟုဆိုထားသည်။
အချစ်ကို ချစ်အောင်၊ ခင်တွယ်အောင်၊ လေးစားအောင်၊ တန်ဖိုးထားအောင်၊ ယုံကြည်အောင် သိဒ္ဓိတင်ပေးထားသော Across The Universe ဟုဆိုချင်သည်။ မချစ်တတ်သေးသူများကော၊ အ ချစ်စမ်းချင်သူများကော၊ အချစ်ကျွမ်းကျင်သူများပါ ခံစားဝေဖန်သင့်သော တေးဂီတအားပြု (ဘီ တဲလ်သီချင်းများကို အကွက်ကျစွာ သုံးထားသည်) ဇာတ်ကားဖြစ်ပါကြောင်း တင်ပြရပါသည်။

ဇာတ်ကားအကြောင်းနှင့် ဇာတ်လမ်းအကျဉ်း
Across The Universe ကို ဒါရိုက်တာဂျူလီတေမာ(Julie Taymor)က ဘီတဲလ်သီချင်းများ(Beatles)ဖြင့် စိတ်ကြိုက်ရိုက်ကူးခဲ့သည်။ သီချင်းများကို ပါဝင်သရုပ်ဆောင်သူများက ကိုယ်တိုင်သီဆိုကြပြီး အဆိုကောင်းများဖြစ်သည်။

သီချင်းတိုင်းသည် ဇာတ်လမ်းနှင့်လိုက်ဖက်စွာ အချိတ်အဆက်မိနေလေသည်။ မင်းသား Jim Sturess က Jude အဖြစ်သရုပ်ဆောင်သည်။ မင်းသမီး Evan Rachel Wood က Lucy အဖြစ်ပါဝင်သည်။
ဇာတ်လမ်းကို တေမာ၊ ကလဲ မန့်၊ လာဖရန်အေ့စ်တို့က ရေးသားသည်။ ရုပ်ရှင်ကားကို PG-13 (အ ရွယ်ငယ်သားသမီးများကြည့်လျှင် မိဘများသတိထားစောင့်ကြည့်ထိန်းချုပ်သင့်သည်) အဆင့်ဖြစ်သည်။ ဇာတ်ကားတွင် လူကြီးခန်း၊ ရုန့်ရင်းစကား၊ မူးယစ်ဆေးဝါးနှင့် မကြမ်းတမ်းသော အကြမ်းဖက်မှု စသည့်ပြကွက်တချို့ ပါဝင်သည်။

အင်္ဂလန်နိုင်ငံ၊ လီဗာပူးမြို့ သင်္ဘောကျင်းတွင် အလုပ်လုပ်သော ဂျူ့ဒ်သည် ကွဲကွာနေသောဖခင်ကို
ရှာဖွေရန် အမေရိကသို့ ရောက်လာခဲ့သည်။ ဖခင်ကိုတွေ့ရသော်လည်း ဖခင်မှာ နောက်အိမ်ထောင် နှင့်ဖြစ်နေပြီး သာမန်လူ(အဆောက်အဦများထိန်းသိမ်းစောင့်ရှောက်သူ)တစ်ယောက်သာဖြစ်သဖြင့် မည်သည့်အကူအညီမျှမရခဲ့ပေ။

ဂျူ့ဒ်သည် ပရင်စတန်ကောလိပ်မှကျောင်းသားမတ်စ်နှင့် အမှတ်မထင်ခင်မင်ခဲ့ပြီး မတ်စ်နှမလူစီဆိုသော ကောင်မလေးနှင့်ဆုံတွေ့ခဲ့သည်။ မတ်စ်ကဂျု့ဒ်ကို သူ့အိမ်ခေါ်သွားပြီးနောက် မိသားစုညစာစားကြရင်း သူကျောင်းထုတ်ခံရကြောင်း မိဘတို့အားပြောပြခဲ့ရာ မိဘတို့အလွန်စိတ်ဆိုးကြသည်။

ထို့နောက် မတ်စ်နှင့်ဂျု့ဒ်တို့ နယူးယောက်ခ် ရောက်လာခဲ့ကြသည်။ ၎င်းတို့သည် ရော့ခ်အဆိုတော်မ ဆေဒီ၏အိမ်တွင် ငှားနေကြသည်။ ယင်းအိမ်သို့ ဂီတာသမားဂျိုးဂျိုးနှင့် အမေရိကန်-အာရှကပြားမလေး ပရူးဒန့်စ်တို့လည်းရောက်လာကြသည်။ ဂျိုးဂျိုးနှင့်ဆေဒီတို့ ကြိုက်ခဲ့ကြပြီး ကွဲသွားကြ၊ ပြန်ပေါင်းကြနှင့် ရွရွလေးနှင့် ထိထိမိမိလေးခံစားစေသည်။
လူစီသည် ဗီယက်နမ်စစ်ပွဲကြောင့် ရည်းစားတစ်ယောက် ဆုံးရှုံးထားသူဖြစ်သည်။ နောက်တော့ ဂျု့ဒ်နှင့်ကြိုက်တော့သည်။ အချစ်၊ အလွမ်းများနှင့်အတူ စစ်ဆန့်ကျင်ရေးကိုလည်း ကောင်းစွာသရုပ် ဖော်ထားသည်။ ထိမိစွာရိုက်ပြထားသည်။ ၁၉၆၀ ခုနှစ်များကို ဇာတ်အိမ်ဖွဲ့ရိုက်ကူးထားခြင်း ဖြစ်သည်။

အမေရိကန် လွတ်လပ်ရေးရုပ်တုကြီးကို ဗီယက်နမ်တောထဲသို့ ရွှေ့သည့်သရော်ချက်များကိုလည်း ဒါရိုက်တာကရိုက်ပြခဲ့သည်။

အနှစ်ချုပ်
ရုပ်ရှင်သည် ဘာသာစကားနှင့် ယဉ်ကျေးမှုစည်းဘောင်ကို ကျော်လွန်နိုင်သည်။ လူအသိုင်းအ၀ိုင်းတစ်ခုတွင် ဖြစ်ပျက်သော(ဖြစ်ပျက်ခဲ့သော၊ ဖြစ်ပျက်လတ္တံ့သော)ကိစ္စများ၊ အကြောင်းအရာများ၊ ခံစားချက်များ၊ တုံ့ပြန်ချက်များကို လူများကိုပင် နည်းမျိုးစုံ၊ ပုံစံမျိုးစုံ၊ တင်ပြမှုမျိုးစုံ၊ ပေါင်းစပ်မှုမျိုးစုံဖြင့် ပြန်လည်တင်ပြနိုင်သော အနုပညာများတွင် ရုပ်ရှင်ကထိပ်တန်းက ပါဝင်သည်။

ရုပ်ရှင်အနုပညာရှင်များသည် ခေတ်ကိုလည်း ကျော်လွန်နိုင်ကြသည်။ နိုင်ငံရေး၊ စီးပွားရေး၊ လူမှုရေး၊ စစ်ပွဲနှင့်မူဝါဒများကို အလှပဆုံးနှင့် အသေသပ်ဆုံးထိတွေ့ပြနိုင်သည်။ ခံစားမှုမှတ်ချက်ပြုနိုင်ကြသည်။ ထင်မြင်ချက်သတင်းစကားပါးနိုင်ကြသည်။

လူငယ်က ရိုးသားသည်၊ ပွင့်လင်းသည်။ အချစ်က နူးညံ့သည်၊ သိမ်မွေ့သည်၊ ရိုးရှင်းသည်။ တေးဂီတက အပျော်၊ အလွမ်း၊ အမာ၊ အပျော့ခံစားချက်မျိုးစုံကို ပေးနိုင်သည်။
လူငယ်၊ အချစ်၊ တေးဂီတ၊ မူဝါဒနှင့် သတင်းစကားအမှာပါးမှု တို့ကို အနုပညာမြောက်စွာ (ပြည့်စုံ စွာ) အမွှမ်းတင် တင်ဆက်ထားသော Across The Universe မှာ ဇာတ်ကားကောင်းလေးတစ်ကား ဖြစ်ပါကြောင်းနှင့် အမှတ်ရထားကြကာ ကြုံကြိုက်ပါက ကြည့်ရှုခံစားသင့်ပါကြောင်း တင်ပြရပါသည်။