ဆီယက်တဲလ်ဆိပ်ကမ်း စီမံခန့်ခွဲမှု
အမေရိကန်ပြည်ထောင်စု၊ အနောက်မြောက်ဘက် ၀ါရှင်တန်ပြည်နယ်ဆီယက်တဲလ်(Seattle)မြို့မှာ အရှိန်အဟုန်နှင့် ဖွံ့ဖြိုးတိုးတက်လာနေသော မြို့ဖြစ်သည်။

အမေရိက၏ ဆိပ်ကမ်းမြို့တစ်မြို့ဖြစ်သော ဆီယက်တဲလ်သည် ပြည်တွင်း၊ ပြည်ပနှင့် စီးပွားရေးကူးလူးဆက်သွယ်မှုများ ယခင်ကထက် ပိုမိုဖွံ့ဖြိုးတိုးတက်ရန် အစိုးရနှင့် သက်ဆိုင်ရာအဖွဲ့အစည်းအသီးသီးက ကြိုးပမ်းဆောင်ရွက်လာသောကြောင့် ပြီးခဲ့သည့် ဆယ်စုနှစ်များမှစ၍ ပိုမိုဖွံ့ဖြိုးတိုးတက်လာသော မြို့တော်အသွင်ဆောင်လာခဲ့သည်။

အမေရိကန်များကိုယ်တိုင်ကလည်း ၀ါရှင်တန်ဒီစီကဲ့သို့ မြို့နှင့်ယှဉ်လျှင် သီးခြားထင်ရှားသောမြို့တစ်မြို့အဖြစ် ဆီယက်တဲလ်ကိုရှုမြင်ကြသည်။

ဆီယက်တဲလ်တွင် ထူးခြားမှုရှိသည်မှာ မြို့၏အဓိက စီးပွားရေးလုပ်ငန်းကြီးတစ်ခုဖြစ်သော ဆီ ယက်တဲလ်ဆိပ်ကမ်း(Port of Seattle)းစီမံခန့်ခွဲမှုဖြစ်သည်။ ဆီယက်တဲလ်ဆိပ်ကမ်းစီမံခန့်ခွဲမှုအောက်တွင် ဆီယက်တဲလ်နှင့် အနီးအပါးမြို့ တာကိုးမား(Tacoma)တို့ အသုံးပြုသော ဆီယက်တဲလ်လေဆိပ်လည်း ပါဝင်သည်။

အမှုဆောင်လူကြီးရွေးချယ်မှု
ဆီယက်တဲလ်ဆိပ်ကမ်းကို အစိုးရ သို့မဟုတ် အစိုးရလက်အောက်ခံ အဖွဲ့အစည်းတစ်ခုခုက စီမံခန့်ခွဲ သည်မဟုတ်ပါ။ ဆီယက်တဲလ်မြို့နေ ပြည်သူများက ရွေးကောက်တင်မြှောက်ကာ အမှုဆောင်လူကြီး ၅ ဦးက အုပ်ချုပ်ခြင်းဖြစ်သည်။ ၎င်းင်းတို့ကို ဆီယက်တဲလ်ဆိပ်ကမ်း ကော်မရှင်နာလူကြီးများ(Port of Seattle Commissioners)းဟု ခေါ်သည်။

၎င်းင်းတို့က ဆိပ်ကမ်းကြီးတစ်ခုလုံး စီမံခန့်ခွဲရေးအတွက် အမှုဆောင်အရာရှိများ(Chief Executive Officers)ခန့်အပ် တာဝန်ပေးပြီး လုပ်ဆောင်စေသည်။ စီမံခန့်ခွဲမှုအဖွဲ့ကြီးက ၀င်ငွေကိုရှာဖွေပြီး ဆိပ်ကမ်းဖွံ့ဖြိုးရေးအတွက် ပြန်လည်ရင်းနှီးမြှုပ်နှံမှုများကိုပြုသည်။ သုံးစွဲစရာများကို သုံးစွဲသည်။
ဆိပ်ကမ်းမြို့နှင့် ပြည်သူများ မထိခိုက်ရေးအတွက် ဆောင်ရွက်ရန်များကို ဆောင်ရွက်ကြသည်။ ဥပမာအားဖြင့် မြို့၏သဘာဝပတ် ၀န်းကျင်အခြေအနေများ မထိခိုက်စေရေးနှင့် လေသန့်စင်မှုအခြေအ နေကောင်းမွန်စေရေးတို့ ဖြစ်သည်။

ဆီယက်တဲလ်ဆိပ်ကမ်းစီမခန့်ခွဲမှုအောက်တွင် လေဆိပ်ပါရှိနေသောကြောင့်လည်း လေဆိပ်ဝင်ငွေသည် ဆိပ်ကမ်းဝင်ငွေအဖြစ် ၀င်ရောက်သည်။ စီးပွားရေးဖွံ့ဖြိုးတိုးတက်မှုနှင့် စီးပွားရေးအခွင့်အလမ်းများ ပွင့်လန်းနေသောမြို့သို့ ပြည်တွင်း၊ ပြည်ပခရီးသွားများ တိုးတက်ဝင်ရောက်နေသောကြောင့် လေဆိပ်ဝင်ငွေမှာလည်း တစ်နှစ်ထက်တစ်နှစ် တိုးတက်ရရှိလျက်ရှိသည်။


ဝင်ငွေကောင်းစွာ ရှာဖွေနိုင် ပြီဖြစ်သော၊ တိုးတက်ဖွံ့ဖြိုးလာ သော စီးပွားရေးနှင့် သဘာဝ ပတ်ဝန်းကျင်ထိန်းသိမ်းမှု လုပ်ငန်းများကို တစ်ပြိုင်နက်ဆောင်ရွက်နိုင်သော ဆီယက်တဲလ်ဆိပ်ကမ်း စီမံခန့်ခွဲမှုကို ရွေးချယ်ခံအမှုဆောင်လူကြီးများက ကျေနပ်အားရလျက်ရှိသည်။

မြန်မာနိုင်ငံတွင်လည်း အစိုးရက မကြာမီကစတင်၍ ဆိပ်ကမ်းများနှင့် သင်္ဘောတင်လုပ်ငန်းများကို ပုဂ္ဂလိက လုပ်ငန်းရှင်များ စိတ်ဝင်စားက လုပ်ကိုင်ကြပါရန်တိုက်တွန်းဆွေးနွေးခဲ့သည်။

နိုင်ငံတကာ ကုန်သွယ်မှုလုပ်ငန်းများလုပ်ကိုင်လျှင် ဆိပ်ကမ်းစီမံခန့်ခွဲမှုနှင့် လုပ်ပုံကိုင်ပုံများမှာ အရေးကြီးလွန်းသဖြင့် ဆီယက်တဲလ်ဆိပ်ကမ်း စီမံခန့်ခွဲမှုကို လေ့လာမိသမျှတင်ပြရခြင်းဖြစ်သည်။

ဆိပ်ကမ်းဝန်ဆောင်မှုများတွင် ကုန်စည်ပို့ဆောင်မှုများသာမက ခရီးသည်(အထူးသဖြင့် အ ပန်းဖြေခရီးသည်)၀န်ဆောင်မှုများမှာလည်း အရေးကြီးသည်။ ဆီယက်တဲလ်ဆိပ်ကမ်းသည် ဇိမ်ခံ သင်္ဘောကြီးများ ရပ်နား၊ ထွက်ခွာရန်နှင့် လိုအပ်သောဝန်ဆောင်မှုများကို ပေးနေသည်။
နိုင်ငံတကာဆိပ်ကမ်းမြို့တစ်မြို့ဖြစ်သည့် ဆီယက်တဲလ်တွင် နိုင်ငံတကာစည်းဝေးပွဲများ ကျင်းပနိုင်ရန် ကွန်ဖရင့်စင်တာရှိသည်။ ကမ္ဘာ့ကုန်သွယ်ရေးစင်တာ(World Trade Center)ရှိသည်။

ဒေသခံပြည်သူများက ဆီယက်တဲလ်ဆိပ်ကမ်းအမှုဆောင်လူကြီးများ ရွေးချယ်မှုကို ၁၉၁၁၊ စက်တင်ဘာ ၅ က စတင်ခဲ့ခြင်းဖြစ်သည်။ ဆီယက်တဲလ်ဆိပ်ကမ်းကို ယင်းအမှုဆောင်လူကြီးများက အုပ်ချုပ်သည်။ အမှုဆောင်လူကြီး ၅ဦး၏သက်တမ်းမှာ၎နှစ်ဖြစ်သည်။

ဆီယက်တဲလ်ဆိပ်ကမ်းအာဏာပိုင်အဖွဲ့သည် ဆီယက်တဲလ်နှင့်တာကိုးမားမြို့နှစ်မြို့ကြားတွင် လေဆိပ်တစ်ခုကို တည်ဆောက်ခဲ့ပြီး၊ ၁၉၄၉ မှစပြီး၊ လုပ်ငန်းများ ဆောင်ရွက်ခဲ့သည်။ ဆီယက်တဲလ် -တာကိုးမားနိုင်ငံတကာလေဆိပ်ကို အတိုကောက်အားဖြင့် ဆီးတတ်(Sea-Tac)ဟု ခေါ်သည်။

ဆီယက်တဲလ်ထင်ရှားရသည့်အကြောင်း
ဆီယက်တဲလ်တွင် အခြေစိုက်သည့် အမေရိကန်စီးပွားရေးကို ကြီးစွာအားဖြည့်ထားသည့် ကမ္ဘာ ကျော်စီးပွားရေးလုပ်ငန်းကြီးများ ရှိခဲ့သည်၊ ရှိနေဆဲဖြစ်သည်။

မိုက်ကရိုဆော့ဖ်သည် ဆီယက်တဲလ်တွင် စတင်တည်ထောင်ခဲ့သည်။ ကမ္ဘာကျော်လေယာဉ်ထုတ်လုပ်ရေး ကုမ္ပဏီဖြစ်သော ဘိုရင်းကုမ္ပဏီသည် ဆီယက်တဲလ်တွင် အခြေစိုက်ထားသည်။ ကော်ဖီယဉ်ကျေးမှု ဖြစ်စေခဲ့သည့် စတားဘတ် (Starbucks Coffee) သည် ဆီ ယက်တဲလ်မြို့မှ ထုတ်ခဲ့ခြင်းဖြစ်သည်။

ယခု ဆီယက်တဲလ်မှာ မြို့ပြဖွံ့ဖြိုးမှုအလွန်အားကောင်းလာသောကြောင့် အိမ်ရာမြေစီးပွားရေး အလွန်ဖွံ့ဖြိုးလာသည်။ ဆိပ်ကမ်လုပ်ငန်းများနှင့်အတူ အိမ်ရာမြေလုပ်ငန်းတွင် ရင်းနှီးမြှုပ်နှံမှုများကို ပိုမိုလုပ်ကိုင်လာကြသည်။ နိုင်ငံတကာကုန်သွယ်မှုလုပ်ငန်းများကိုလည်း ဆီယက်တဲလ်ဆိပ်ကမ်းမှတစ်ဆင့် ပိုမိုတိုးတက်စွာ လုပ်ကိုင်လာကြသည်။

အမေရိကန်ပြည်ထောင်စု၊ ကူးသန်းရောင်းဝယ်ရေးဝန်ကြီးဌာနမှ ထုတ်ပြန်သော ၂၀၀၆ ဇန်န၀ါ ရီမှ ဒီဇင်ဘာတွင်း ဆီယက်တဲလ်ဆိပ်ကမ်းနှင့် နိုင်ငံတကာကုန်သွယ်ဘက်နိုင်ငံများ ထိပ်သီး ၃၀ စာရင်းတွင် အာရှ ၁၉ နိုင်ငံပါဝင်သည်။

တရုတ်မှာ နံပါတ်တစ်၊ ဂျပန် ဒုတိယနှင့် တောင်ကိုရီးယား တတိယတို့ ဖြစ်သည်။
ဆီယက်တဲလ်ဆိပ်ကမ်းမှ တစ်ဆင့် တရုတ်မှ အမေရိကန် ဒေါ်လာ ၁၂ ဘီလီယံကျော်ဖိုး တင်သွင်းပြီး၊ တရုတ်သို့ တစ်ဘီလီ ယံကျော်ဖိုး ပြန်ပို့သည်။ စုစုပေါင်းကုန်သွယ်မှုပမာဏ အမေရိကန် ဒေါ်လာ ၁၄ ဘီလီယံနီးပါးရှိသည်။

ဂျပန်မှ ကန်ဒေါ်လာ ၆ ဘီလီယံ ကျော်ဖိုးတင်သွင်းပြီး၊ ၂ ဘီလီယံ ကျော်ဖိုး ပြန်ပို့သည်။ စုစုပေါင်းကုန်သွယ်မှု ပမာဏကန်ဒေါ်လာ ၉ ဘီလီယံကျော် ရှိသည်။

ဆီယက်တဲလ်ဆိပ်ကမ်းမှာ အမေရိကန်ပြည်ထောင်စုအတွက် အာရှပစိဖိတ်နှင့် အရှေ့ဘက်ထွက် ပေါက်အတွက် အလွန်အရေးကြီးသည့် ဆိပ်ကမ်းမြို့တစ်မြို့ဖြစ်သည်။ ဆိပ်ကမ်းစီမံခန့်ခွဲမှုမှာ စိတ်ဝင်စားဖွယ် ဖြစ်ပါသောကြောင့် တင်ပြရပါသည်။